CIG SAÚDE FERROL 2009:

Proposta do Gabinete Saúde Laboral da CIG-Saúde Ferrol para afiliados a CIG-Saúde:

a) Curso básico en Prevención de Riscos Laborais(50 horas): 7,4,21,28 maio 4,11,18,25 xuño 2,9,16 xullo do 2009 16:00 a 21:00 horas no Hospital Naval datas confirmadas

b) Xornada de "Manipulación de cargas". Para celadores, auxiliares de enfermaría, ATS. pendente de confirmar datas

c) Xornada de "Comunicación de Accidentes de Traballo na Área Sanitaria de Ferrol". Para todo o persoal. pendente de confirmar datas

Se estades interesados en facer algún destes cursos, podédesvos preinscribir. Achegádenos ao local sindical no A. Marcide a seguinte documentación:
a) fotocopia Documento de identidade
b) fotocopia da tarxeta sanitaria
c) folla de inscrición cumprimentada(descargar folla preinscrición para cursos GSL)

Os seguintes cursos serán organizados pola FORGA GALIZA: Fundación para a Orientación Profesional, Emprego e Formación en Galicia (FORGA)

Proposta 2009 para traballadores en activo:

a) Curso de Nutrición e dietética. Horario: 16:00 - 21:00 horas. Datas: 7,14,21,28 outubro e 4,11,18,25 novembro, e dicir, todos os martes de outubro e novembro. datas confirmadas

b) Dereitos e deberes do Empregado Público(20 horas. pendente de confirmar datas

__________________

CIG SAÚDE 2009: Ligazón

____________

ACTA DE FIN DE NEGOCIACIÓN DO ACORDO DE RÉXIME EXTRAORDINARIO DE CARREIRA PROFESIONAL DO PERSOAL DE XESTIÓN E SERVIZOS E SANITARIO DE FORMACIÓN PROFESIONAL


Pola Administración

Antonio José Fernández Paniagua
Director Xeral da División de RR.HH. e Desenvolvemento Profesional

Ana Comesaña Álvarez
Subdirectora xeral de Políticas de Persoal

Manuel López López
Subdirector xeral de Réxime Retributivo e Xestión de Persoal

María Ponte García
Xefa de servizo de Relacións Laborais

Isabel Campos Pardo
Xefa de servizo de Integración de Coidados

Paula Oliete Trillo
Xefa de sección de Relacións Laborais

Polas Organizacións Sindicais

CIG
Xoán Cons Pintos
Xoán Ramón Fernández Cid
María Xosé Abuín Álvarez
Camilo Agulleiro Sambade

CCOO
Javier González Castro
Lola González Lorenzo

CSI-CSIF
José Francisco Méndez Castro
Isabel Faraldo Calvo
Juan Carlos Gómez Rodríguez
José Luis Martínez Fernández

UGT
Javier Martínez Fente
Marisa Mosquera Souto
Miguel A. Estévez Fernández

SAE
Begoña Caínzos Ayerbe
Pilar López Mera
Cecilia Dou Marcos








En Santiago de Compostela ás 17.00 horas do día 15 de maio de 2007, no edificio administrativo do Servizo Galego de Saúde, logo da convocatoria realizada aos efectos, reuníronse os membros da Mesa Sectorial que se relacionan á marxe, co seguinte orde do día:

- Punto único: Negociación do acordo de réxime extraordinario de carreira profesional do persoal de xestión e servizos e sanitario de formación profesional.

Logo da negociación mantida coas organizacións sindicais, despois das diversas reunións mantidas no seo da mesa sectorial na que se recolleron sucesivos documentos con propostas, trala presentación da proposta definitiva que se achega como anexo ao acta de hoxe, e que recolle as últimas demandas sindicais, as partes dan por rematada a negociación. As organizacións sindicais que conforman a Plataforma en demanda desta carreira profesional poñen fin aos conflitos.

Integraranse no texto orixinario das bases do Acordo os aspectos parciais incorporados no anexo, aspectos estes nos que se concretaban as discrepancias.

Así mesmo abordaranse as propostas xa tratadas sobre promoción interna que figurarán como texto do acordo, logo da súa análise pormenorizada, tendo en conta os principios nos que estamos de acordo as partes.

Determinarase unha data para asinar o acordo formal unha vez superados os trámites, autorizacións e informes preceptivos para a citada sinatura, con obxecto de que poida entrar en vigor no mes de xullo de 2007.

Xa que logo, a vontade manifestada no presente acta queda suxeita aos requisitos formais para a súa legalidade.

ANEXO FIN DA NEGOCIACION

A LOITA POR UNHA CARREIRA PROFESIONAL DIGNA DEU OS SEUS FROITOS:
O PREACORDO É UN LOGRO DE TODAS/OS

Á 10ª foi a vencida. Na reunión da mesa do pasado dia 7 as organizacións sindicais deixamos no tellado do Sergas unha proposta de punto final con varias condicións xa coñecidas. Da súa aceptación íntegra dependia a posibilidade de acadar ou non un acordo, e tamén por tanto de rematar ou non cun longo conflicto ao que nos vimos abocados para defender as nosas pretensións. Na reunión de hoxe recibimos a resposta do Sergas no sentido de aceptaren a totalidade das propostas sindicais finais, e elo permitiu pechar un preacordo que consolida os grandes avances acadados durante a negociación e que pecha definitivamente as intencións de impoñernos unha Carreira Profesional de terceira división.
Agora, as asembleas valorarán o conseguido e, unha vez completada e revisada a redacción do texto final, someterase á firma das organizacións que así o consideren.
CIG-Saúde considera os contidos do preacordo como un grande logro, só posible pola mobilización, o esforzo e a participación de todos os traballadores e as traballadoras, e de todos os sindicatos da Plataforma Sindical Unitaria, e confia en que esta exitosa experiencia permita abordar con similares doses de unidade e de firmeza os novos retos que nos agardan xa á volta da esquina.
Os elementos básicos do preacordo acadado son os seguintes:

1.- Modificación dos períodos de servizos prestados requiridos para acceder aos sucesivos graos:

GRUPO: GRAO I - GRAO II - GRAO III - GRAO IV

A-------- 5 anos ---12 anos---- 19 anos ----25 anos

B-------- 5 anos----12 anos---- 19 anos---- 25 anos

C--------- 5 anos----12 anos----19 anos---- 25 anos

D--------- 5 anos----12 anos---- 19 anos----25 anos

E--------- 5 anos----12 anos---- 19 anos---- 25 anos



2.- Complemento de carreira (contías por grao).

GRUPO: GRAO I- GRAO II- GRAO III- GRAO IV
A------- 2.500 €-- 5.000 € --7.500 € ---10.000 €
B------- 1.750 € ---3.500 € --5.250 € ----7.000 €
C------- 1.180 €--- 2.360 € --3.540 €---- 4.720 €
D------- 1.000 €---2.000 €-- 3.000 €---- 4.000 €
E--------- 800€--- 1.600 €-- 2.400 €----- 3.200 €


3.- Durante a implantación do sistema, a contía anual por grao recoñecido será a seguinte:


GRUPO ANO 2007--- 2008----- 2009 - -----2010------ -2011---------- 2012*
A----------2.325 €-- -2.370 € ---2.415 €--- -2.460 €-----2.500 €-----2.760 € +2%
B----------1.625 €--- 1.660 €--- 1.690 €----- 1.720 €---- 1.750 €---- --1.932 € +2%
C----------1.000 €--- 1.045 €----1.090 €------1.135 €---- 1.180 € ------1.303 € +2%
D----- ------850 €---- 890 €----- 925 €------- 965 € -----1.000 €-------1.104 € +2%
E -----------680 € ----700 € -----725 € -------750 € -------800 €--------- 883 € +2%

A contía correspondente ao segundo semestre de 2007 percibirase nun único pagamento. 50% da cantidade do ano 2007.
* Estimación na hipótese de crecemento en torno ao 2% anual

4º.- Contías 2012: actualización

As contías no exercicio 2012 calcularanse sobre as contías do ano 2011, actualizadas cos incrementos respectivos que se establezan nas leis de orzamentos dos anos 2008, 2009, 2010 e 2011. A partir de 2013 as contías terán as actualizacións anuais previstas nas leis.


5º.- Funcionarios e laborais transferidos das corporacións locais :

Terán acceso ao sistema ordinario de carreira profesional que se regule para o persoal estatutario.

Aplicaranse aos funcionarios e laborais transferidos das corporacións locais, os contidos dos acordos retributivos acadados para o resto do persoal laboral e funcionario da Xunta de Galicia.

Terán unha nova oferta de integración ao réxime estatutario á entrada en vigor desta acordo.

6º.- Persoal Interino

O persoal interino que acceda a prazas no SERGAS na vixente oferta de emprego terá especial consideración no acceso ao sistema ordinario de carreira profesional que se regule.

7º.- Sistema ordinario de carreira profesional

O sistema ordinario de carreira profesional se negociará para ser aplicado en xullo de 2008.

… E NO MOMENTO DE CHEGAR A BON PORTO, É OPORTUNO LEMBRAR TAMÉN A TRAVESÍA…

...PORQUE A UNIDADE É ÚTIL E NA DIVISIÓN NON HAI SOLUCIÓN....

GRAZAS A TODOS E A TODAS QUE PARTICIPARON E APOIARON AS MOVILIZACIÓNS FACENDO POSIBLE CHEGAR A ISTE ACORDO DUNHA CARREIRA DIGNA NON DESCRIMINATORIA

Queres afiliarte á Cig Saúde Ferrol?

Pois só tes que encher a ficha de afiliación cos teus datos persoais e despois poñerte en contacto con nosoutros. Podes facelo achegándote ao Local da Cig Saúde Ferrol nos baixos do Centro de Especialidades ou chamando ao 981 33 45 66, ou se o prefires enviandonos unha mensaxe electrónica a cigsaudeferrol@gmail.com

Que significa afiliarse?

A afiliación na CIG-Saúde é un acto de compromiso e solidariedade.

Compromiso, porque no acto, manifestas que as túas inquietudes e pensamento sindical coinciden en gran parte cos postulados e opinións nosas, e solidariedade porque a cota sindical que pagas non é a compra dun servicío senón a contribución desinteresada para o mantemento da organizacións sindical.

Tamén e un acto no que te comprometes a respaldar as mobilizacións e actos convocados polo sindicato sempre que poidas asumilos.

E que se financia coa túa cota sindical?

Pois a adquisición de edificios e locais do sindicato, así como o seu mantemento.

As campañas de mobilización e concienciación social.

A contribución a caixa de resistencia é que se utiliza só en conflictos longos e duros, e de desgaste económico para o afiliado de inmensa contía.

Os servicios técnicos como a Asesoría Xurídica e normalización liguística.

Servicios Sociais como a Secretaría da Muller ou Atención o Emigrante retornado ou Inmigracion.

Tódolos que xere o sindicato pola súa actividade instituciónal.

A asesoría xurídica esixe para a súa utilización por parte do traballador unha antigüidade mínima de 6 meses, ou o pago dos mesmos se queres utilizala, nunha medida que ten como fin promocionar a afiliación de conciencia e compromiso colectivo, e non a de interese individual exclusivo.

Ademais nas demandas nas que o traballador reclama diñeiro o sindicato estableceu unhas comisións sobre os cartos reclamados no caso de que a demanda sexa estimada e que diminue atendendo a antigüidade do afiliado que no caso de ter máis de 5 anos a comisión e 0%.

Agardámosche!!!